Beint í leiðarkerfi vefsins.
Vegna bréfs Samtaka atvinnulífsins um framgang yfirlýsingar ríkisstjórnarinnar í tengslum við kjarasamninga sem sent var fjölmiðlum 11. janúar 2012 er vísað í vinnuyfirlit stjórnvalda um stöðu og framgang verkefna.
Í samstarfsyfirlýsingu ríkisstjórnarinnar birtast áherslur og markmið henna. Þar eru tilgreind 222 verkefni og aðgerðir sem ríkisstjórnin einsetti sér að vinna að á kjörtímabilinu.
Í árslok 2010 samþykkti ríkisstjórnin stefnumarkandi skjal, Ísland 2020. Í því eru sett fram 20 markmið sem snerta þekkingu, velferð og sjálfbærni. Nú hefur markmiðunum verið stillt upp á myndrænan hátt og þau tengd mælikvörðum til að sýna þróun þeirra.
Tekið hefur verið saman yfirlit yfir helstu aðgerðir einstakra ráðuneyta frá febrúar 2009 til október 2011.
Alþingi hefur samþykkt frumvarp sem felur í sér heildarendurskoðun laga um Stjórnarráðið. Með lögunum er lagður nýr grunnur að umbótum og endurreisn stjórnsýslunar sem að undanförnu hefur verið unnið að.
Umhverfisráðherra, Svandís Svavarsdóttir, hefur kynnt í ríkisstjórn hvítbók sem nefnd um endurskoðun náttúruverndarlaga hefur unnið en í henni felst heildarúttekt á lagaumhverfi náttúruverndar á Íslandi.
Til 11. nóvember fer fram opið umsagnarferli um drög að þingsályktun iðnaðarráðherra og umhverfis- ráðherra um verndun og nýtingu náttúrusvæða með áherslu á vatnsafl og jarðhitasvæði. Sjá nánar á rammaaaetlun.is en þar má finna tillögu til þingsályktunar ásamt fylgigögnum auk forms fyrir umsagnir.
Ísland 2020 er stefnumarkandi skjal um öflugra atvinnulíf og samfélag. Það varð til í samtölum og samvinnu hundruða Íslendinga um land allt og samráði við landshlutasamtök, sveitarfélög, verkalýðshreyfingu og samtök í atvinnulífi. Sjá: forsaetisraduneyti.is/2020
Stjórnlagaráð sem skipað er á grundvelli þingsályktunar Alþingis kemur saman fyrsta sinni miðvikudaginn 6. apríl 2011. Í ráðinu eiga sæti 25 einstaklingar. Hlutverk ráðsins er að gera tillögur til Alþingis um endur-skoðun stjórnarskrárinnar. Fundir ráðsin eru opnir almenningi og sendir út á vefnum stjornlagarad.is.
Hér má sjá örkynningar frá fjármálaráðuneytinu um meginhugtök, stærðir og spár í efnahagsmálum. Markmiðið er að bjóða aðgengilegt efni um efnahagslíf þjóðarinnar og þróun efnahagsmála.
Jóhanna Sigurðardóttir, forsætisráðherra
Steingrímur J. Sigfússon, efnahags- og viðskiptaráðherra og sjávarútvegs- og landbúnaðarráðherra
Össur Skarphéðinsson,utanríkisráðherra
Katrín Jakobsdóttir, mennta- og menningarmálaráðherra, og samstarfsráðherra Norðurlanda
Katrín Júlíusdóttir, iðnaðarráðherra
Svandís Svavarsdóttir, umhverfisráðherra
Ögmundur Jónasson, innanríkisráðherra
Guðbjartur Hannesson, velferðarráðherra
Oddný G. Harðardóttir, fjármálaráðherra
„Ríkisstjórn Samfylkingarinnar og Vinstrihreyfingarinnar – græns framboðs er mynduð um að tryggja efnahagslegan og félagslegan stöðugleika og leita þjóðarsamstöðu um leið Íslands til endurreisnar ..."
„Gangi áætlanir ríkisstjórnarinnar í efnahags- og ríkisfjármálum eftir eru góðar líkur á að hagvöxtur verði orðinn viðunandi, verðbólga lág, gengi stöðugt og atvinnuleysi hafi dregist verulega saman við lok kjörtímabilsins. Samhliða endurreisninni er mikilvægt að unnið sé markvisst að því í samvinnu allrar þjóðarinnar að leggja grunn að nýrri sókn í íslensku atvinnulífi og betra samfélagi, samfélagi sem mun skipa sér í fremstu röð í verðmætasköpun, velmegun, velferð og sönnum lífgæðum.
Ríkisstjórn Samfylkingar og Vinstrihreyfingarinnar – græns framboðs ætlar sér að verða norræn velferðarstjórn í besta skilningi þess orðs." Nánar ...