Umhverfisráðuneytið stendur fyrir málþingi um Árósasamninginn, þar sem fjallað verður um upplýsingagjöf og samráð í umhverfismálum og aðkomu almennings, félagasamtaka og hagsmunaaðila að ákvarðanatöku í umhverfismálum.

Minni eldsneytisnotkun við fiskveiðar, í vegasamgöngum og byggingarstarfsemi er talin helsta ástæða þess að útstreymi gróðurhúsalofttegunda dróst saman um 3% á Íslandi milli áranna 2009  og 2010.

Markmið fjárfestingaáætlunar fyrir Ísland (2013-2015) er að styðja við hagvöxt og fjölbreytni í atvinnulífi. Áætlunin er liður í nýrri sókn eftir efnahagshrunið og er ætlað að styðja við efnahagsbata og hagvöxt.

Á undanförnum árum hefur orkuframleiðsla á Íslandi aukist mjög og jafnframt gagnrýni á neikvæð umhverfisáhrif hennar.  Einn þáttur þeirra áhrifa er sjónmengun af völdum háspennulína og hefur sú krafa orðið háværari að jarðstrengir séu nýttir í stað loftlína. 

Fjölsótt málþing var haldið á dögunum þar sem fjallað var um kosti og galla þess að leggja raflínur í jörð. Í samræmi við ályktun Alþingis var sett á laggirnar nefnd sem vinnur að stefnumörkun í þessum málum og var málþingið haldið að tilstuðlan hennar.

Íslenskir sjúklingar hafa mikil réttindi, eru vel upplýstir, biðtími eftir þjónustu er stuttur í samanburði við aðrar Norðurlandaþjóðir og árangur meðferðar er með því besta sem gerist í Evrópu. Þetta er meðal þess sem fram kom þegar niðurstöður Euro Health Consumer Index árið 2012 voru kynntar á Evrópuþinginu í Brussel í dag. Ísland er í þriðja efsta sæti þeirra 34 landa sem úttektin náði til.

Skráð atvinnuleysi í apríl var 6,5% á móti 8,1% atvinnuleysi á sama tíma í fyrra samkvæmt tölum Vinnumálastofnunar sem spáir því að í maí lækki það niður fyrir 6%. Velferðarráðherra segir að mun minna atvinnuleysi hér á landi og meiri atvinnuþátttaka en gerist hjá öðrum Evrópuþjóðum skapi Íslendingum mikilvægt forskot á leið út úr kreppunni.

Til umsagnar eru nú hjá innanríkisráðuneytinu drög að reglugerð um girðingar með vegum. Umsagnafrestur um drögin er til 29. maí næstkomandi og skal senda umsagnir á netfangið postur@irr.is.

Mennta- og menningarmálaráðherra hefur skipað í embætti skólameistara Fjölbrautaskólans við Ármúla  til fimm ára.

Fréttabréf stjórnenda ríkisstofnana, 3. tölublað 14. árgangs, er komið út á vef ráðuneytisins.

Landmælingar Íslands eru stofnun ársins í flokki meðalstórra stofnana og Skipulagsstofnun varð í öðru sæti í sama flokki þegar SFR kynnti niðurstöður í vali sínu á stofnunum ársins á dögunum.

Katrín Jakobsdóttir heimsótti Sjálandsskóla, sem fékk Íslensku menntaverðlaunin 2011.

Verkefnisstjórn innanríkisráðuneytis, mennta- og menningarmálaráðuneytis og velferðarráðuneytis um vitundarvakningu um kynferðislegt ofbeldi gegn börnum hefur undirritað samning við brúðuleikarana Hallveigu Thorlacius og Helgu Arnalds um brúðuleiksýningu í 2. bekk allra grunnskóla á Íslandi.

Stofnanir sem heyra undir innanríkisráðuneytið náðu góðum árangri í valinu stofnun ársins. Kringum 50 þúsund starfsmenn á almennum og opinberum vinnumarkaði tóku þátt. Könnunin er samstarfsverkefni SFR, stéttarfélags í almannaþágu, VR, virðingar og réttlætis og Starfsmannafélag Reykjavíkurborgar var með í ár.

Háskólarnir setja sér stefnu í málefnum íslensks máls

Guðbjartur Hannesson velferðarráðherra ávarpaði vorráðstefnu Greiningar- og ráðgjafarstöðvar ríkisins sem haldin var í 27. sinn dagana 11.-12. maí 2012.

Úthlutað hefur verið úr Sprotasjóði mennta- og menningarmálaráðuneytisins fyrir skólaárið 2012-2013. Sprotasjóður er sameiginlegur fyrir leikskóla, grunnskóla og framhaldsskóla. Hlutverk sjóðsins er að styðja við þróun og nýjungar í skólastarfi.

Ávarp Katrínar Jakobsdóttur við úthlutun verkefnastyrkja Menningarráðs Suðurlands 6. maí 2012 á Selfossi.

Alþingi samþykkti í dag þingsályktunartillögu forsætisráðherra um að styðja fyrirhugaða breytingu á fjölda og heitum ráðuneyta í Stjórnarráði Íslands. Samþykktin felur það í sér að ráðuneytum mun fækka úr tíu í átta þann 1. september næstkomandi.

Fulltrúar Ásatrúarfélagsins afhentu í dag Landhelgisgæslunni tveggja milljóna króna framlag í þyrslusjóð sem stofnaður er í tilefni af 40 ára afmæli félagsins. Gjöfin var afhent um borð í varðskipinu Þór sem liggur við Faxagarð í Reykjavíkurhöfn.

Ögmundur Jónasson innanríkisráðherra flutti setningarávarp á alþjóðlegri ráðstefnu um samfélagsáföll, lýðræði og umbreytingaskeið. Ráðherra sagði að ráðstefnan væri mikilvægt innlegg í þá umræðu sem nú færi fram á Íslandi um lýðræði þar á meðal um ný drög að stjórnarskrá fyrir Ísland. Hann sagði að drög Stjórnlagaráðs væru skref í lýðræðisátt og að ýmsu leyti til framfara en gagnrýndi þau jafnframt.